«Խաղաղությունը նրա մասին է, որ Հայաստանից մարդիկ կարող են ավտոմեքենայով մեկնել Բաքու, իսկ Ադրբեջանից՝ Երևան»․ Նիկոլ Փաշինյան

«Եթե Ադրբեջանն օգտագործում է «Զանգեզուրի միջանցք» տերմինը, նրանք խոսում են իրենց տարածքի մասին, որովհետև չեն կարող օգտագործել մեր տարածքի նկատմամբ»,- լրագրողների հետ հանդիպմանն այս մասին նշել է վարչապետ Նիկոլ Փաշինյանը։ Խոսելով խաղաղության մասին՝ Փաշինյանը հայտարարել է․ «Խաղաղությունը նրա մասին է, որ Հայաստանից մարդիկ կարող են ավտոմեքենայով մեկնել Բաքու, իսկ Ադրբեջանից էլ մարդիկ կարող են գալ Երևան»։ Վարչապետը նաև հավելել է, որ պատմական բանավեճերի մեջ մտնել անիմաստ է և վտանգավոր՝ խաղաղության համար։