«Վախենո՞ւմ ես․ ճիշտ ես անում»․ Հայկ Մամիջանյան

ԱԺ «Պատիվ ունեմ» խմբակցության ղեկավար Հայկ Մամիջանյանի ֆեյսբուքյան գրառումը․ «Երեկ մի լավ ուրախացել է Փաշինյանը, երբ իրեն զեկուցել են նախագահ Սարգսյանի երկրից բացակայելու արգելքը ամեն գնով վերականգնելու գործընթացի մասին:
Հիշեցնեմ՝ մեկ օրվա մեջ 3 դատական նիստ են նշանակում, անգամ մահացած եղբոր սգո արարողություններից դատավորին ստիպում են գալ նիստի, բայց դատարանը մերժում է դատախազության հայցը, ու ստիպված վերակենդանացնում են 19 թվականի ծիծաղելի գործը (ցուցմունքը կորզել են սխալ թարգմանությամբ, ցուցմունք տվողը հետագայում հրաժարվել է ցուցմունքներից՝ բացատրելով, որ թարգմանության խնդիր է եղել):
Վախենո՞ւմ ես: Ճիշտ ես անում...
Այսօր 22.00-ին դողդողացող ձեռքով կմիացնես AntiFake.am ու կլսես՝ քեզ հաստատ դուր չի գա»:

Ավելի վաղ հայտնի էր դարձել, որ նոյեմբերի 7-ին, ժամը 22:00-ին ՀՀ երրորդ նախագահ Սերժ Սարգսյանը լինելու է «Իմնեմնիմի» փոդքասթի թողարկման հյուրը: