«Սրբազանը մարտնչում է խավարային ուժերի դեմ»․ Տեր Սարգիս Սարդարյան

Շիրակի թեմի Իսահակյանի հովվության քահանա Տեր Սարգիս Սարդարյանը ֆեյսբուքյան էջում գրել է․ «Այսօր Հայաստանյայց Առաքելական Սուրբ Եկեցեցին տոնում է Ս. Միքայել և Ս. Գաբրիել հրեշտակապետերի և ողջ երկնային զորքի հիշատակության օրը:
Այսօրը նաև Շիրակի թեմի առաջնորդ Գերաշնորհ Տեր Միքայել արքեպիսկոպոս Աջապահյանի անվանակոչության տոնն է:
Այդ առիթով շնորհավորում ենք Սրբազան հորը, ում հոգևոր ծառայությունը նման է Միքայել Հրեշտակապետի անվեհեր ու արդար պայքարին՝ հանուն ճշմարտության և լույսի։
Ինչպես Միքայել հրեշտակապետն է երկնային զորքերով ընդդեմ խավարի զորաց ելնում, այդպես էլ մեր սիրելի Սրբազանը այսօր մարտնչում է ներկա խավարային ուժերի դեմ, ինչի հետևանքով ապօրինի դատապարտության է մատնված:
Մեր աղոթքն է, որ Տերը առավել զորացնի Սրբազան հորը, պարգևելով հոգու տոկունություն հաղթահարելու չարի բոլոր մարտահրավերները»: