«Եկել եք բռնանա՞ք իմ սահմանադրական իրավունքներին»․ Ռոմանոս Պետրոսյանը՝ լրագրողներին

«Հովհաննավանքում մասնակցե՞լ եք կեղծ պատարագներին»,- Թալինի եկեղեցու բակում դիմելով ՀԷՑ-ի ժամանակավոր կառավարիչ Ռոմանոս Պետրոսյանին՝ հարցրեց լրագրողը։ «Մեր երկրում յուրաքանչյուր ոք ունի մտքի, խղճի, կրոնի, դավանանքի ազատություն ու խնդրում եմ՝ Սահմանադրությամբ երաշխավորված իմ ազատության մասով ինձ հարցեր մի ուղղեք»,- ասաց պաշտոնյան։ «Իսկ պատարագների մասի՞ն»,- հարցրեց լրագրողը։ «Եկել եք բռնանա՞ք իմ սահմանադրական իրավունքներին, չեմ հասկանում։ Դա իմ անձնական որոշումն է»,- զայրացավ Պետրոսյանը։