«Ամեն կորստի և ամեն ստորացման պատասխանատվությունը քոնն է». Նաիրա Մարգարյան

175

Այսօր, 16:24

Զոհված զինծառայող Ժիրայր Մարգարյանի մայրը՝ Նաիրա Մարգարյանը ֆեյսբուքյան իր էջում գրել է. «Չգիտեմ՝ հինգ տարի առաջ 44 օրը մեր ապրած կյանքն էր դժո՞խք, թե՞ հինգ տարի այս մղձավանջը՝ քո նման դավաճանին հանդուրժելը։ Կարող էինք ունենալ նույն արդյունքը՝ առանց զոհերի. դա դու ասացիր ԱԺ-ից, իսկ հիմա՝ ընտրություններից առաջ, ոտքդ ու ձեռքդ թուլացած, միայն արդարացումներ ես փնտրում։ Բոլորս մեղավոր ենք, բացի քեզանից։
Ինձ համար միակ մեղավորը դու ես, որովհետև միայն դու Արցախը ճանաչեցիր Ադրբեջանի մաս ու դրեցիր սկուտեղի վրա՝ հանձնեցիր, մատուցեցիր։
Մեղավոր է մայրը, որ որդուն չափից ավելի հայրենասեր ոգով է մեծացրել, մեղավոր են նախնիները, որ թալանել են և զենք չեն գնել, բայց իմ համար առաջին ու ամենամեծ մեղավորը դու ես։ Դու Արցախի ճակատագիրը ճանաչեցիր Ադրբեջանի մաս, դու մեզ ծնկի բերեցիր քո անփութությամբ ու անգրագիտությամբ։
Երանի նրանց, ովքեր կագնած զոհվեցին, որովհետև նրանց նույնիսկ մահվան մեջ արժանապատվություն եղավ։ Իսկ մենք դեռ քեզ հանդուրժում ենք, բայց ոչինչ չի արդարացնում քո դավաճանությունը։
Ամեն կորուստի և ամեն ստորացման պատասխանատվությունը քոնն է։ Բավական է։ Մենք չենք պատրաստվում ծնկի գալ թշնամու առաջ։
ՄԻԱԿ ԵՐԱԶԱՆՔՍ Է ՏԵՍՆԵԼ ԴԱՏԴ ՈՒ ԴԱՏԱՍՏԱՆԴ»:

Աղբյուրը` Նաիրա Մարգարյան