«Նիկոլ Փաշինյանն ունի ներքին չարության հսկայական ծավալ, որն իր մարմնում չի տեղավորվում». Ռոբերտ Քոչարյան

«Մի միտք ասեմ․ ենթադրում եմ, որ սա մարդիկ բնազդով էլ տեսնում են։ Նիկոլ Փաշինյանն ունի ներքին չարության մի հսկայական ծավալ, և իր մարմնի մեջ այդ չարությունը չի տեղավորվում։ Անընդհատ դուրս է տալիս։ Ինքն ամեն քայլափոխի պետք է ստեղծի կոնֆլիկտ և այդ կոնֆլիկտով ինքը սնվում է, էներգիա է ստանում մի նոր կոնֆիկտի համար, նոր կոնֆլիկտի համար, նոր կոնֆլիկտի համար։ Չե՞ք տեսնում՝ ինչ է կատարվում։ Այս խառնաշփոթը մարդու տեսակի արտացոլումն է։ Եթե դու կոնֆլիկտային ես ինքդ քեզնով և դու ունես հսկայական իշխանություն, այսօր գրեթե անսահմանափակ, այդ կոնֆլիկտն սկսում ես կիրառել, դու սկսում ես հակադրել ոչ միայն հներին նորերին, այլև Արարատը՝ Արագածին, Էջմիածինը՝ Հովհաննավանքին, կաթողիկոսին՝ կարգալույծ արված քահանային, Միացյալ Նահանգները՝ Ռուսաստանին, Թուրքիան՝ Ռուսաստանին․ դու անընդհատ կոնֆլիկտ ես ուզում ստեղծել, որովհետև քո տեսակն է այդպիսին, և այդ կոնֆլիկտից դու սնվում ես։ Իմ տպավորությունը սա է, որովհետև ինչ-որ տեսնում եմ, այլ ռացիոնալ բացատրութուն չունի։ Մարդու տեսակ է և կապ չունի՝ եթե ինքն է լինելու, այսպես է լինելու, մենք ներքին համերաշխություն, ներքին կայունություն երբեք չենք ունենա»,- իր հարցազրույցում փաստեց Ռոբերտ Քոչարյանը: