«Կա՛մ խելքը չի հերիքում, կա՛մ պուլտն ուրիշ տեղ է». Ռոբերտ Քոչարյան

«Միշտ հնարավոր է քննարկել և այնպիսի առաջարկներ տալ, որոնք ոչ թե ժխտում են այն, ինչ որ արված է, այլ համալրում են դա և ամրացնում են, և դու չես դառնում աշխարհաքաղաքական կենտրոնների բախման կետ։ Ընդհակառակը, դու կոմպլեմենտար տարբերակ ես առաջարկում այս ամենը միացնելու համար։ Սա այն քաղաքականությունն է, որը մենք 10 տարի վարել ենք Հայաստանում՝ կոմպլեմենտարությունը և 10 տարի մենք լավ հարաբերություններ ենք ունեցել և՛ Ռուսաստանի հետ, և՛ Իրանի հետ, և՛ ԱՄՆ-ի հետ, և՛ եվրոպացիների հետ։
Ինձ անընդհատ մեր գործընկերները հարցնում էին՝ էդ ո՞նց եք անում, որ բոլորի հետ լավ եք։ Ես մի բան էի ասում՝ որովհետև մենք գիտենք՝ ամեն մեկը մի ցավոտ մազոլ ունի․ չենք տրորում, փորձում ենք մեր հարաբերություները կառուցել և դրսևորել այն դաշտում, որտեղ այս երկրներն ունեն ընդհանուր շահեր։
Հիմա ես կոնկրետ մի առաջարկ արեցի։ Ես Թրամփի ճանապարհի վրա մի առաջարկ տվել էի, չէ՞, մասշտաբը մեծացնել պրոյեկտի, որից բոլորը կշահեն, և դու հակասությունների դաշտից կմտնես հակառակ՝ ավելի լայն համագործացկության դաշտ։
Հիմա ևս մեկ առաջարկ․ քանի որ այս հայտարարությունը չունի որևէ երաշխիքային համակարգ, պետք է ստորագրել սրա հետ զուգահեռ ևս մեկ փաստաթուղթը, որը կունենա այդ երաշխիքային համակարգը և փորձել բանակցել-ներգրավել այդ երաշխիքային համակարգի մեջ այսօր գոյություն ունեցող երեք աշխարհաքաղաքական կենտրոնների երկրները՝ Միացյալ Նահանգներ, Ռուսաստան և Չինաստան։ Ի՞նչ վատ է, բանակցեք։ Հնարավո՞ր է դրան հասնել․ համոված եմ՝ հնարավոր է։ Բերելո՞ւ է սա իրական խաղաղության․ համոզված եմ՝ բերելու է։ Այս մարդկանց խելքը չի հերիքում։ Կա՛մ խելքը չի հերիքում, կա՛մ պուլտը ուրիշ տեղ է․ էդ պուլտը ով պահում է, ուրիշ կնոպկաներ է սեղմում»,- «Թիվ 5»-ի տաղավարում իր հարցազրույցի ժամանակ ասաց ՀՀ երկրորդ նախագահ Ռոբերտ ՔոչարյանըԼ
«Վերջերս, եթե չեմ սխալվում, Արարատ Միրզոյանին թուրքական մի լրագրող ինչ-որ հանդիպման ժամանակ ասում է՝ տպավորությունն այնպիսին է, որ Թուրքիայի արտգործնախարարն է խոսում։ Իրականում այդպես է։ Ես ասում եմ, որ մեր արտգործնախարարարը պետք է խոսի՝ որպես Հայաստանի արտգործնախարար։ Բայց բավարար խելք, գիտելիք և ցանկություն ունենա իսկապես՝ որպես պետություն՝ Հայաստանի քաղաքականությունը տանի, այլ ոչ թե տարբեր տեղերից, ով որտեցից մի քիչ ավելի ուժեղ է բրդում, թեքվում են էն կողմի վրա, հետո մյուս կողմի վրա, մյուս կողմի վրա։ Չեն կարողանում ինչ-որ մոդել առաջարկել, որը կլինի ներգրավման մոդել տարբեր պետությունների հետ։ Իսկ դրա համար պետք է նրանց ընդհանուր շահերը փորձես մի տեղ կենտրոնացնել և այդ դաշտում խաղալ։ Այլ ոչ թե դուրս գալ հակասությունների դաշտ»,- հավելեց նա։