ԱՄՆ Սենատը հավանություն է տվել շաթդաունի դադարեցման մասին օրինագծին

380

Երկուշաբթի, 10 նոյեմբերի, 2025 թ., 09:47

ԱՄՆ Սենատը ընթացակարգային քվեարկության ժամանակ հավանություն է տվել օրինագծին, որը թույլ կտա դադարեցնել շաթդաունը և վերսկսել կառավարության մասնակիորեն ընդհատված աշխատանքը, հաղորդում Է CNN-ը: Փաստաթղթին աջակցել է 60 սենատոր, 40-ը դեմ է արտահայտվել։

Նշվում է, որ ընթացակարգային քվեարկությունից հետո Սենատը կանցկացնի վերջնական քվեարկություն։ Այնուհետև օրինագիծը կվերադառնա Ներկայացուցիչների պալատ։ Հետո նախագահ Դոնալդ Թրամփը պետք է ստորագրի այն, գործընթաց, որը կարող է տևել ևս մի քանի օր։ Ավելի վաղ Թրամփը լրագրողներին ասել էր, որ երկիրը մոտ է կառավարության աշխատանքի վերսկսմանը։