BBC-ի գլխավոր տնօրենը հրաժարական է տվել Թրամփի ելույթի հետ կապված սկանդալի ֆոնին

BBC-ի գլխավոր տնօրեն Թիմ Դեյվին և լրատվական բաժնի ղեկավար Դեբորա Թըրնեսը հրաժարական են տվել Դոնալդ Թրամփի՝ խմբագրված ելույթի շուրջ առաջացած վեճի պատճառով։

«BBC-ն ընդհանուր առմամբ լավ կազմակերպություն է, բայց որոշ սխալներ թույլ են տրվել, և որպես գլխավոր տնօրեն՝ ես պետք է ստանձնեմ վերջնական պատասխանատվությունը», - գրել է Դեյվին իր նամակում։

Իսկ Դեբորա Թըրնեսը նշել է, որ նախագահ Թրամփի մասին հաղորդման շուրջ շարունակվող վեճը հասել է այն կետին, որ այն վնասում է BBC-ին։ «Չնայած սխալներ թույլ են տրվել, ուզում եմ հստակեցնել, որ BBC News-ի կողմնակալության վերաբերյալ վերջին մեղադրանքները կեղծ են»,- ասել է նա:

Թրամփն իր TruthSocial սոցիալական ցանցում մեկնաբանել է BBC-ի գլխավոր տնօրենի հրաժարականը՝ գրելով. «Բոլորը հրաժարական են տալիս կամ աշխատանքից ազատվում, քանի որ նրանց բռնել են հունվարի 6-ի իմ շատ լավ (ԿԱՏԱՐՅԱԼ) ելույթը խեղաթյուրելիս»։