«Գործադիր իշխանությունը չի ցանկանում, որ Հայաստանում կայացած ՏԻՄ-եր լինեն»․ Ոսկան Սարգսյան

Լրագրող Ոսկան Սարգսյանը գրում է. «Նոյեմբերի 10-ը տեղական ինքնակառավարման մարմինների օրն է, սակայն Հայաստանում ՏԻՄ-երը կիսատ-պռատ են կայացել։ Գործադիր իշխանությունը չի ցանկանում, որ Հայաստանում իսկապես կայացած, քիչ թե շատ անկախ տեղական ինքնակառավարման մարմիններ լինեն։ Համայնքների ավագանու ընտրություններում մարզպետները իրենց քթերը խոթում են թեկնածուների առաջադրման գործին, քարոզարշավի ընթացքում օգտագործում վարչական լծակներ, ոչ ցանկալի քաղաքական ուժի, թեկնածուների հաղթանակի դեպքում սկսվում են բռնաճնշումները։ Բերդում, Ալավերդիում, Վանաձորում, Գյումրիում, Սյունիքի խոշոր համայնքներում ու էլի բազում տեղերում ընտրված համայնքապետերի վրա քրեական գործեր են թխվել, համայնքապետերը հայտնել են անազատության մեջ, նրանցից խլել են իշխանությունը, կամ փայ մտել։ Նիկոլ Փաշինյանի ասած՝ եվրայոնջա պաշտոնյաները չեն տեսնում այս ապօրինությունները, իրենց դա ձեռնտու չէ»։