Չորեքշաբթի, 11 փետրվարի, 2026 թ.
|
Ստեփանակերտում`   +1 °C

Գազայի տարածքը կարող է բաժանվել Իսրայելի և ՀԱՄԱՍ-ի միջև. #Reuters

Գազայի տարածքը կարող է բաժանվել Իսրայելի և ՀԱՄԱՍ-ի միջև. #Reuters
675
Երեքշաբթի, 11 նոյեմբերի, 2025 թ., 15:12

ԱՄՆ նախագահ Դոնալդ Թրամփի՝ Գազայի հատվածում հակամարտությունը դադարեցնելու ծրագիրը մոտ է ձախողման, ինչն ապագայում ավելի հավանական է դարձնում անկլավի փաստացի բաժանումը Իսրայելի և ՀԱՄԱՍ-ի միջև։ Այս մասին հայտնում է Reuters-ը՝ հղում կատարելով անանուն աղբյուրներին։

Այժմ իսրայելցի զինվորականները վերահսկում են Գազայի հատվածի 53%-ը։ Անկլավի գրեթե 2 մլն բնակիչները բնակվում են մյուս մասում, որը գտնվում է ՀԱՄԱՍ-ի վերահսկողության տակ։ Դոնալդ Թրամփի ծրագիրը ենթադրում է, որ հաջորդ փուլում Իսրայելը պետք է աստիճանաբար հեռանա «դեղին գծից», իսկ ՑԱՀԱԼ-ին փոխարինելու գան «բազմազգ անվտանգության ուժերը»:

Reuters-ի աղբյուրները հայտնել են, որ եթե ԱՄՆ-ն լուրջ ջանքեր չձեռնարկի փակուղուց դուրս գալու համար, «դեղին գիծը», որն այժմ բաժանում է Գազայի հատվածը, կդառնա փաստացի սահման անորոշ ժամանակով։

Պատանդների և պաղեստինցի բանտարկյալների ազատ արձակումից հետո ծրագրի հետագա դրույթները չեն իրականացվել։ Իսրայելի պաշտպանության բանակը բացառել է շփման գծից դուրս գալը, քանի դեռ ՀԱՄԱՍ-ը հրաժարվում է լիովին զինաթափվել. Իսրայելը մերժում է նաև Պաղեստինի մասնակցությունը Գազայի կառավարմանը, իսկ անվտանգության ուժերի կազմը մնում է անորոշ:

Կարդացե՛ք նաև