Վրաստանը հետաքննում է թուրքական ռազմական ինքնաթիռի կործանումը

Վրաստանում մեկնարկել է թուրքական Lockheed C-130 Hercules ռազմական ինքնաթիռի կործանման հետաքննությունը, հայտնել է Թուրքիայի ՊՆ-ն՝ հավելելով, որ Անկարան Թբիլիսիի հետ համակարգում է որոնողական-փրկարարական գործողությունները:

Ավելի վաղ հայտնել էինք, որ Ադրբեջանից Թուրքիա ուղևորվող՝ Թուրքիայի զինված ուժերի կործանված C130 ինքնաթիռում եղել է 20 մարդ, այդ թվում՝ անձնակազմի անդամները։
Վրացական լրատվամիջոցները, հղում անելով «Սակաերոնավիգացիա»-ին, հաղորդել էին, որ Վրաստանի տարածքում՝ Ադրբեջանի հետ սահմանի մոտ վթարի ենթարկված թուրքական C-130 ռազմական ինքնաթիռը անհետացել է ռադարներից՝ առանց աղետի ազդանշան ուղարկելու։ Ինքնաթիռը վթարի է ենթարկվել լեռներում: