«Սերժ Սարգսյանի նամակի գաղտնազերծման գործընթաց է տեղի ունենում». Նիկոլ Փաշինյան

Լրագրողների հետ զրույցում անդրադառնալով օրեր առաջ իր կատարած գրառմանը, ըստ որի՝ «բանակցային պատմության առանցքային թղթերը (ներառյալ 2019) դասավորել եմ, հիմա սքան ենք անում ու մինչև տարվա վերջ հրապարակելու եմ, արանքներում դնելով նաև մի քանի հրապարակային թղթեր։
Նաև քո գրած (նկատի ունի Սերժ Սարգսյանին-խմբ.) մի նամակ եմ մեջը դնելու, որ չմտածես առ եմ համարում», Նիկոլ Փաշինյանն այսօր պարզաբանեց. «Սերժ Սարգսյանի նամակը... հանձնարարել եմ, գաղտնազերծման գործընթաց է տեղի ունենում: Կհրապարակեմ, կտեսնեք»: Հարցին՝ ի՞նչ նամակ էր, ասաց՝ այլ երկրի ղեկավարին ուղղված: