«Ոստիկանները դահլիճում ի՞նչ են անում». վիճաբանություն` ՀԾԿՀ նիստի ժամանակ

«Ոստիկանները դահլիճում ի՞նչ են անում», «կարգ են սահմանում», «ի՞նչ կարգ, ումի՞ց»․ ՀԾԿՀ նիստի ժամանակ վիճաբանություն տեղի ունեցավ ՀԷՑ-ի նախկին տնօրեն Դավիթ Ղազինյանի և ՀԾԿՀ նախագահ Մեսրոպ Մեսրոպյանի միջև։ «Եթե դահլիճում գտնվում են ոստիկաններ, ենթադրվում է, որ դահլիճում գտնվում են մարդիկ, որոնք պոտենցյալ կարգ խախտող կարող են լինել կամ այդպիսի ենթադրյալ ռիսկ կա։ Ո՞վ է այստեղ պոտենցյալ ռիսկը, որ ոստիկանության համազգեստով աշխատակիցները պետք է գտնվեն այստեղ, թող դռան մյուս կողմում գտնվեն»,-նշեց Ղազինյանը։

«Ես եմ նիստը վարողը, ես եմ որոշում՝ ոնց եմ անելու։ Ոստիկանները ևս հանդիսանում են ՀՀ քաղաքացիներ և կարող են մասնակցել դռնբաց նիստին, բայց եթե ձեր մեծագույն խնդիրը ոստիկաններն են, խնդրում եմ ոստիկաններին՝ դահլիճից դուրս սպասել»,- ի պատասխան ասաց հանձանաժողովի նախագահը։