«Սամվել Կարապետյանի պաշտպաններին չի ուղարկվել և հասանելի չէ Վճռաբեկ դատարանի որոշումը»․ Արամ Վարդևանյան

Փաստաբան Արամ Վարդևանյանը ֆեյսբուքյան էջում գրել է ․«1) Վճռաբեկ դատարանի որոշումը Սամվել Կարապետյանի գործով՝ աննախադեպ արագությամբ, միաժամանակ առանց ոչ մի իրավական հետևանքի: Որոշումը վերաբերում է Օգոստոսի 15-ի Դատրաանի որոշմանը, դրան այլևս հաջորդել է Հոկտեմբերի 16 և Վերաքննիչ դատարանի Նոյեմբերի 13-ի որոշումները:
2) Վճռաբեկ դատարանի որոշումն աննախադեպ արագությամբ հայտնվում է Քննիչի մոտ, սակայն հենց միայն Քննիչի մոտ: Մինչ այս պահը Սամվել Կարապետյանի պաշտպաններին չի ուղարկվել և հասանելի չէ Վճռաբեկ դատարանի որոշումը:
3) Սամվել Կարապետյանի ապօրինի կալանքի երկարաձգման նիստը տեղի կունենա 2025 թվականի նոյեմբերի 17-ին, ժամը 10:00-ին»:

Ֆեյսբուքյան ուղիղ եթերում Վարդևանյանը պարզաբանել է․ «Նոյեմբերի 13-ին Սամվել Կարապետյանի գործով վերաքննիչ հակակոռուպցիոն դատարանը պետք է որոշում կայացներ պաշտպանական կողմից ներկայացված բողոքի, ինչպես նաև դատախազության կողմից ներկայացված բողոքների վերաբերյալ։ Դատախազության կողմից ներկայացված բողոքը վերաբերում էր տնտեսական բնույթի 2 անիմաստ և աբսուրդային մեղադրանքների՝ կապված հիմնավոր կասկածի հաստատմանը, ինչպես նաև փաստացի կալանքի 1-ամսյա ժամկետը 2-ամսյա կալանքի վերածելուն։ Մեր կողմից ներկայացված բողոքը, որը առավել քան հիմնավոր է, վերաբերում էր նրան, որ հայտնի կոչերի դրվագով չի կարող լինել հիմնավոր կասկած, ինչպես նաև, որ կալանքը րոպե շուտ պետք է վերացվի։

Դատարանը որոշեց 2 բողոքները մերժել նոյեմբերի 13-ին»: