«ԵՄ-ն առաջիկա շաբաթներին ՌԴ-ի դեմ լրացուցիչ պատժամիջոցների փաթեթ կպատրաստի». Մերց

Եվրոմիությունը առաջիկա շաբաթներին կպատրաստի Ռուսաստանի Դաշնության դեմ լրացուցիչ պատժամիջոցների փաթեթ, հայտարարել է Գերմանիայի կանցլեր Ֆրիդրիխ Մերցը Բեռլինում Կիպրոսի նախագահ Նիկոս Քրիստոդուլիդեսի հետ համատեղ մամուլի ասուլիսի ժամանակ։

«Մենք՝ Եվրոմիությունում, առաջիկա շաբաթների համար կպատրաստենք պատժամիջոցների մեկ այլ փաթեթ, և, համապատասխանաբար, մենք չենք թուլացնի Ռուսաստանի վրա մեր ճնշումը, այլ կպահպանենք և կուժեղացնենք այն», - հայտարարել է Մերցը:

Նրա խոսքով՝ Եվրոպայում վստահություն կա, որ պատժամիջոցներն աշխատում են։