«Սամվել Կարապետյանի գործով Վճռաբեկ դատարանը գործել է տիեզերական արագությամբ». Արամ Վարդևանյան

«Սամվել Կարապետյանի դեպքով ՀՀ վճռաբեկ դատարանի հակակոռուպցիոն պալատի դատավորների գործողությունների վերաբերյալ պետք է դիմենք Գինեսի ռեկորդների գրքի համապատասխան հանձնաժողովին»,- ասուլիսի ժամանակ ասել է Սամվել Կարապետյանի փաստաբան Արամ Վարդևանյանը:

«Դա կլինի արդար։ Գինեսի ռեկորդների գրքում կա նաև տիեզերքի մասին բաժին։ Դատավորների գործողությունները, օրինակ, կարող են գրվել այդտեղ, քանի որ սա տիեզերական արագություն է։ Սա լույսի, ձայնի արագությունը գերազանցող վարքագիծ է վճռաբեկ դատարանի կողմից»,- նշել է փաստաբանը և մանրամասնել. «Վճռաբեկ դատարանից ելքագրվել է 2025 թվականի նոյեմբերի 13-ին գրություն, որը ստացվել է 2025 թվականի նոյեմբերի 14-ին: Գրության մեջ իբր թվագրված «նոյեմբերի 12» նշված է, որ Վճռաբեկ դատարանի որոշումը հրապարակվելու է նոյեմբերի 13-ին: Քննչական կոմիտեի 53 քննիչներից բաղկացած խմբի ղեկավարը ունեցել է ՎՃռաբեկ դատարանի որոշումը հենց նոյեմբերի 13-ին: Քննիչը ունեցել է որոշումն այնքան վաղ, որ հասցրել է դրան ծանոթանալ, մեջբերումներ կատարել և 2025 թվականի նոյեմբերի 13-ի ժամը 18-27-ին մուտք անել միջնորդությունը»: