Ինդոնեզիայում սողանքների հետևանքով զոհվել է 6, անհետ կորել՝ 17 մարդ

1005

Շաբաթ, 15 նոյեմբերի, 2025 թ., 15:38

Ինդոնեզիայի Կենտրոնական Ջավա կղզում ուժեղ անձրևների հետևանքով առաջացած սողանքի պատճառով վեց մարդ է զոհվել, ևս 17-ը համարվում են անհետ կորած, հաղորդում է Antara պետական լրատվական գործակալությունը։

Հինգշաբթի օրը Չիլակապ քաղաքում տեղի ունեցած սողանքը Սիբեունիինգ գյուղում ավերել է տասնյակ տներ, հաղորդում է «Antara» լրատվական գործակալությունը՝ հղում անելով աղետների հետևանքների վերացման ծառայության պաշտոնյա Բուդի Իրավանին։

«Մենք գտել ենք ևս երեք դիակ, մնացել է գտնենք 17-ը։ Մենք աշխատում ենք հնարավորինս ջանասիրաբար», - Բուդիի խոսքերն է մեջբերում գործակալությունը։