Վաղարշապատ խոշորացված համայնքում ավարտվեցին համամասնական ընտրակարգով ավագանու ընտրությունները

Այսօր՝ նոյեմբերի 16-ին, Վաղարշապատ խոշորացված համայնքում կայացան համամասնական ընտրակարգով ավագանու ընտրություններ: Ընտրություններն անցկացնելու համար կազմավորվել էին 47 տեղամասեր:

Առավոտյան ժամը 8.00-ին ՀՀ ընտրական օրենսգրքով սահմանված կարգով բացված բոլոր 47 ընտրական տեղամասերը փակվեցին ժամը 20:00-ին:

Ընտրություններին մասնակցում է 8 ուժ՝ 7 կուսակցություն, 1 կուսակցությունների դաշինք.

«Հաղթանակ» կուսակցությունների դաշինք,
«Համահայկական ճակատ» կուսակցություն,
«Հանրապետություն» կուսակցություն,
«Մայր Հայաստան» ազգային-դեմոկրատական կուսակցություն ,
«Ազատ դեմոկրատներ» կուսակցություն ,
«Ժառանգություն» կուսակցություն ,
«ՔՊ» կուսակցություն ,
«Հայրենիք» կուսակցություն