«Սպասեք հաջորդ լրջագույն արհավիրքին»․ Նիկողոս Հովհաննիսյան

Հասարակական գործիչ Նիկողոս Հովհաննիսյանի ֆեյսբուքյան գրառումը․ «Բնական է, որ Նիկոլ Փաշինյանը պետք է շնորհավորեր իր թեկնածուին։
Բայց այստեղ կարևոր մեկ հանգամանք է նրա շնորհավորանքի 3-րդ կետը, որի առյուծի բաժինն ընկնում է վաղարշապատցիների վրա՝ ուզած թե չուզած, գիտությամբ թե անգիտությամբ, ապա Մայր Աթոռի վրա։ Ցավալիորեն պետք է փաստել, որ Մայր Աթոռում կան հոգևորականներ՝ ավելի ճիշտ եպիսկոպոսներ, ովքեր կրելու են իրենց մեղքի բաժինը, երբ քպ-ն կզավթի Մայր Աթոռը։
Ա. Երեկ՝ Վայոց Ձորում պատարագի կրճատումը, և կաթողիկոսի անունը չհիշատակելը՝ թեմի առաջնորդի, կարգի մեջ եղած քահանա ու վարդապետի ներկայությամբ։
Բ. Անուղղակիորեն՝ Մայր Աթոռի երկու կամ մի քանի այլ եպիսկոպոսների աջակցությամբ։
Գ. Հավաքական ընդդիմության անուղղակի «թույլտվությամբ»։
Լրջագույն օրեր են սպասվում, ծայրահեղ փոփոխությունների օրեր են սպասվում, և ընտրությունները զուտ ծաղիկներ են լինելու։ Ամրացե՛ք, լարե՛ք ձեր նյարդերը, սպասե՛ք հաջորդ լրջագույն արհավիրքին։ Ցավում եմ, բայց հուսադրող ոչինչ չկա էս պահին։ Դուք ոչ մի բանից դասեր չեք քաղում, հետո ասում եք՝ էս ինչ եղավ, էս ոնց եղավ, ու սկսվումա ֆեյսբուքյան վայնասունը։ «Հետո չասեք, թե մենք քնած՝ Դավիթ գող-գող՝ եկավ, գնաց․․.»
Աստված պահի Հայաստան և Արցախ աշխարհը, Շեն մնա Մայր Աթոռ սուրբ Էջմիածինը»։