Դատարանը քննում է Սամվել Կարապետյանի կալանքը երկարաձգելու հարցը․ ՈՒՂԻՂ ՄԻԱՑՈՒՄ

Հակակոռուպցիոն դատարանը քննում է Քննչական կոմիտեի կողմից ներկայացված՝ գործարար, «Մեր ձևով» ժողովրդական շարժման առաջնորդ Սամվել Կարապետյանի կալանքը երկարաձգելու միջնորդությունը։

Նիստն ընթանում է դռնփակ, լրագրողների հարցերին են պատասխանում փաստաբանները:

Հիշեցնենք, որ գործարարն անազատության մեջ է 2025-ի հունիսի 18-ից։ Նա ձերբակալվել, ապա կալանավորվել է հայտնի հարցազրույցից հետո: Նրան մեղադրանք է ներկայացվել ՔՕ 422-րդ հոդվածի 2-րդ մասի հատկանիշներով, այն է՝ իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչը, որը կատարվել է հրապարակայնորեն ցուցադրվող ստեղծագործությունները կամ զանգվածային լրատվության միջոցները կամ տեղեկատվական կամ հաղորդակցական տեխնոլոգիաներն օգտագործելով: Ավելի ուշ գործարարին նոր մեղադրանք է առաջադրվել՝ փողերի լվացում և հարկերից խուսափում։ Ամիսներ անց նրա մեղադրանքը փոփոխվել է և նոր մեղադրանք է ներկայացվել, այն է՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։