«Սպառնալիքի լեզվով ոչ մեկն ինձ հետ չխոսի. չեմ վախեցել, չեմ վախենալու»․ Դավիթ Ղազինյան

ՀԷՑ-ի լիցենզիան դադարեցնելու մասին հարցի քննարկումը կրկին լարված է անցնում։ «Ես խնդրում եմ զեկուցողին՝ կոռեկտության կոչ անել և զերծ մնալ որակումներից, քաղաքական գնահատականներից, այլապես չգիտեմ ինչի կվերածվի»,- ընդհատելով ՀԷՑ-ի նախկին տնօրեն Դավիթ Ղազինյանի ելույթը՝ ասաց ՀԷՑ-ի ժամանակավոր կառավարիչ Ռոմանոս Պետրոսյանը։ «Սպառնալիքի լեզվով ոչ մեկը իմ հետ չխոսի, շատ լավ գիտեք, որ ես չեմ վախեցել, չեմ վախենում, չեմ էլ վախենալու»,- ի պատասխան ասաց Դավիթ Ղազինյանը։ «Եթե դուք նյութերում չանցնեք չափը՝ չներկայացնեք սեփականատիրոջը որպես մոնստր՝ մեզ էլ ձեռքի հետ հանցագործ, չեք ստանա էս պատասխանը. խնդրում եմ օբյեկտիվություն»,- ավելացրեց ՀԷՑ-ի նախկին տնօրենը։