ԿԸՀ-ն՝ վերահաշվարկի դիմումների ներկայացման կարգի և ժամկետների մասին

ՀՀ կենտրոնական ընտրական հանձնաժողովը հայնում է․ «Վաղարշապատ համայնքի ՏԻՄ ընտրությունների մասնակից հարգելի՛ քաղաքական ուժեր, Վերահաշվարկ իրականացնելու դիմումների համար Ընտրական օրենսգիրք սահմանադրական օրենքով սահմանված ժամկետներն են նոյեմբերի 17՝ 12։00-ից մինչ 18։00, և նոյեմբերի 19՝ 09։00-ից մինչ 11։00։ Վերահաշվարկ իրականացնելու դիմումները պետք է ներկայացվեն Վաղարշապատ համայնքի ընտրությունները իրականացրած թիվ 14 ԸԸՀ։ Հիշեցնում ենք, որ Ընտրական օրենսգիրք սահմանադրական օրենքի կարգավորումների համաձայն, թիվ 14 ԸԸՀ-ն, Կենտրոնական ընտրական հանձնաժողովի սահմանած կարգով իրականացված վիճակահանությամբ, պատահականության սկզբունքով ընտրում է իր սպասարկման տարածքում գտնվող երեք ընտրական տեղամաս, որտեղ գրանցված քվեարկության արդյունքները պետք է վերահաշվարկվեն»։