Պիստորիուսը հնարավոր է համարել ՆԱՏՕ-ի և ՌԴ-ի միջև պատերազմը՝ մինչև 2029 թվականը

173

Այսօր, 17:14

Գերմանիայի պաշտպանության նախարար Բորիս Պիստորիուսը «Frankfurter Allgemeine Zeitung»-ին տված հարցազրույցում չի բացառել, որ առաջիկա տարիներին կարող է պատերազմ սկսվել Հյուսիսատլանտյան դաշինքի (ՆԱՏՕ) և Ռուսաստանի միջև։

«Մենք միշտ ասում էինք, որ դա կարող է տեղի ունենալ 2029 թվականին։ Սակայն այժմ որոշները նշում են, որ դա հնարավոր է արդեն 2028-ին, իսկ որոշ ռազմական փորձագետներ նույնիսկ կարծում են, որ մենք անցկացրել ենք վերջին խաղաղ ամառը»,- ասել է նա։

Նախարարը նշել է, որ ՆԱՏՕ-ն ունի զգալի զսպման ներուժ, այդ թվում՝ միջուկային զենք, սակայն զինված ուժերը կարիք ունեն լրացուցիչ հագեցվածության: