«Հայաստանը ռուսաց լեզուն չի դարձնի պաշտոնական կամ պետական լեզու». Սարգիս Խանդանյան

ԱԺ արտաքին հարաբերությունների հանձնաժողովի նախագահ Սարգիս Խանդանյանը ֆեյսբուքյան էջում տեսանյութ է հրապարակել՝ կից գրելով․ «Ակնկալել, որ Հայաստանը մեր քաղաքացիների վարորդական վկայականների ճանաչման գնով պետք է ռուսաց լեզուն դարձնի պաշտոնական կամ պետական լեզու, իհարկե, մոլորություն է, որովհետև դրա որևէ նախադրյալ չկա։ Կան երկրներ, որոնք ունեն մեկից ավելի պաշտոնական պետական լեզուներ, բայց դա բխում է իրենց դեմոգրաֆիական կառուցվածքից։ Հայաստանում նման հարց չկա։ Հայաստանի Հանրապետության պետական լեզուն հայերենն է»։