«ՀԾԿՀ ներկայացուցիչներն այցելե՞լ են Թուրքիա»․ հարց` Մեսրոպ Մեսրոպյանին

«Նիստերի ժամանակ դուք չպատասխանեցիք մեկ հարցի․ ՀԾԿՀ ներկայացուցիչներն այցելե՞լ են Թուրքիա»,- ՀԾԿՀ այսօրվա նիստից հետո լրագրողը հարց ուղղեց հանձնաժողովի նախագահ Մեսրոպ Մեսրոպյանին։ «Իմ պաշտոնն ապաքաղաքական պաշտոն է և նիստերի վարման կարգով ես իրավունք չունեի որոշումից առաջ կարծիք, դիրքորոշում հայտնել, հիմա քանի որ որոշումը կա՝ ես կարող եմ կարծիք հայտնել։ Իրականում՝ այո, հանձնաժողովի 3 անդամներ այս տարվա հոկտեմբերին մեկնել են Թուրքիա։ ՀՀ-ն 99թ-ից հանդիսանում է Էներգետիկայի կարգավորողների տարածաշրջանային ասոցիացիայի հիմնադիր անդամ, և այս կապակցությամբ մասնակցել են ասոցիացիայի հերթական աշխատաժողովին։ Բայց ի լուր աշխարհի խոսել, հայտարարել ազգաբնակչությանը, թե գնացել են Թուրքիա, որ բանակցեն, որպեսզի գան ՀԷՑ-ը վաճառեն թուրքերին, դա առնվազն նման է Գեբելսյան քարոզչությանը՝ որքան սուտը մեծ է, այնքան հավատացողները շատ կլինեն։ Նման բան պարզապես չկա»,- ի պատասխան՝ ասաց ՀԾԿՀ նախագահը։