Մակրոնն ու Զելենսկին ռազմական օգնության մասին փաստաթուղթ են ստորագրել

Էմանուել Մակրոնն ու Վլադիմիր Զելենսկին ստորագրել են Կիևին ռազմական օգնություն տրամադրելու մասին համաձայնագիր, հաղորդում է LCI հեռուստաալիքը։

Փաստաթղթի մանրամասները չեն հրապարակվում, սակայն հեռուստաալիքի տվյալներով՝ համաձայնագիրը վերաբերում է ուկրաինական բանակին ֆրանսիական Rafale կործանիչների մատակարարմանը։

Զելենսկին հեռուստաալիքին ասել է, որ Կիևն ակնկալում է Ֆրանսիայից ստանալ «100 Rafale կործանիչ»։

Նշվում է նաև, որ նոր համաձայնությունը թույլ կտա Կիևին ձեռք բերել նոր սերնդի SAMP-T հակաօդային պաշտպանության համակարգեր, որոնք դեռ մշակվում են, ինչպես նաև ռադարային համակարգեր և անօդաչու թռչող սարքեր: