«Չեն կարողանում հիմնավորել, թե 18 հատորանոց գործն ինչ կապ ունի Սամվել Կարապետյանի հետ». Արմեն Ֆերոյան

«Դատարանը լսել է դատավարության կողմերին: Բավականին ծավալուն էր փաստաբանական թիմի հարցադրումները: Ընդհանուր գործը 18 հատորից է բաղկացած»,- Դատարանի բակում լրագրողների հետ զրույցում ասել է Սամվել Կարապետյանի պաշտպան Արմեն Ֆերոյանը՝ նշելով, որ դատարանը ընդմիջում է հայտարարել: «Մենք հարցեր ենք տալիս վարույթն իրականացնող մարմնին, ու չի լինում որևիցե հարցի հստակ պատասխան, քանի որ այս քրեական գործն ամբողջությամբ,կարելի է ասել, Սամվել Կարապետյանին չի վերաբերում: Իրականում այս գործը բացարձակ անհիմն է: 18 հատորից որ էջը ասում ենք՝ թերթեք և ցույց տվեք, թե ինչ կապ ունի դա Սամվել Կարապետյանի հետ, որևէ ձևով չեն կարողանում հիմնավորել»,- նշել է փաստաբանը՝ հավելելով, որ վարույթն իրականացնող մարմնի միակ հույսը նրա վրա է, որ դատարանների նկատմամբ ինչ-որ ենթադրյալ ճնշումներ բանեցնել կլինի կամ ինչ-որ միջոցներով իրենց հաճո որոշումներ կստանան: