«102 ծառայությունն ընդդիմադիր լրատվամիջոցի դե՞ր է ստանձնել». Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. «102 ծառայությունն ընդդիմադիր լրատվամիջոցի դե՞ր է ստանձնել:
Ուրեմն, զանգահարում եմ ՀՀ ներքին գործերի նախարարություն՝ 102 ծառայություն: Երկար ժամանակ չեն պատասխանում: Մոտ 10 րոպե անց, 102 ծառայությունից հետ են զանգում: Պարզ հարց եմ տալիս. արդյո՞ք Ծովակալ Իսակովի 9 հասցեում դեռ գործում է ՀՀ ՆԳՆ-ի հաշվառման-քննական բաժինը: Ըստ Քոչարյան Ռոբերտի, «ուչաստկովու հարց է»: 102-ի օպերատորը պատասխանում է, որ «Ծովակալ Իսակովի 9 հասցեում գտնվում է Ճանապարհային ոստիկանությունը»: Ի պատասխան, հայտնում եմ, որ «ինձ հասանելի հանրամատչելի հարթակներից, օրինակ՝ «Սփյուռ»-ից, տեղեկանում ենք այդ հասցեում գործող ՆԳՆ-ի հաշվառման-քննական բաժնի գոյության մասին: 102-ի օպերատորն ասում է, որ «մենք (ՆԳՆ-ն) պատասխանատու չենք այդ բաժնի գործունեության համար»:
Այնուամենայնիվ, խնդրում եմ ճշտել՝ բաժինը կա՞, թե՞ չկա:
Օպերատորը որոշ ժամանակ անց հայտարարում է, որ «մեր (ՆԳՆ-ի) ՏԵՂԵԿՈւԹՅՈւՆՆԵՐՈՎ այդ հասցեում ՆԳՆ հաշվառման-քննական բաժին չկա»: Հետքրքրվեցի, թե ինչքանով են արժանահավատ 102-ի տեղեկությունները, միաժամանակ՝ ասացի, որ «մեր տեղեկություններով» ձևաչափը սովորաբար կիրառում են ընդդիմադիր լրատվամիջոցները: Օպերատորը բազմաբովանդակ լռեց:
Այդպես էլ չիմացա, թե Ծովակալ Իսակովի 9 հասցեում հաշվառման-քննական բաժին կա՞, թե՞ չկա: Թեպետ, ՆԳՆ-ի 102-ի օպերատորի ՏԵՂԵԿՈւԹՅՈւՆՆԵՐՈՎ չկա, սակայն ո՞վ գիտի, միգուցե՝ վերջինիս տեղեկությունները ֆեյք են»: