«Որոշները գնում են ընտրությունների, դիրքավորվում՝ որպես ՔՊ արբանյակ, պարտվում ու անցնում առաջ». Գևորգ Թոսունյան

Լրագրող Գևորգ Թոսունյանի ֆեյսբուքյան գրառումը. «Վաղարշապատում, այո, Գյումրիի սցենարը չկրկնվեց, բայց ոչ էլ Երևանինը եղավ, որտեղ ավագանի էր անցել «Հանրապետությունն» ու աջակցեց ՔՊ-ին, ինչպես նաև Դոգի կուսակցությունը, որը մասնատվեց, նորից աջակցեց ՔՊ-ին: Ու ընդհանրապես, նկատե՞լ եք, որ Հայաստանում դեպի ԵՄ տրամադրվածությունը բարձր է, բայց իրենց եվրոպամետ հռչակած ուժերը որևէ ընտրության ժամանակ շռնդալից ձայներ չեն հավաքել (համենայն դեպս 2021-ից հետո նման դեպքեր ես չեմ հիշում), թերևս պատճառն այն է, որ միայն նրանք են այդպես իրենց հռչակում, բայց հանրությունում ու իրականությունում չկա այդ ընկալումը։ Գնում են ընտրությունների որոշները, դիրքավորվում՝ որպես ՔՊ-ի արբանյակ, պարտվում ու անցնում առաջ, եղած ձայներն էլ նվիրաբերում ՔՊ-ին՝ ստանում հավելյալ մանդատներ ու պաշտոններ, Երևանն էլ վառ օրինակ»: