Հինգշաբթի, 16 հուլիսի, 2026 թ.
|
Ստեփանակերտում`   +27 °C

ՄԱԿ-ի ԱԽ-ն հաստատել է Գազայի վերաբերյալ ԱՄՆ ծրագրին աջակցող բանաձևը

ՄԱԿ-ի ԱԽ-ն հաստատել է Գազայի վերաբերյալ ԱՄՆ ծրագրին աջակցող բանաձևը
822
Երեքշաբթի, 18 նոյեմբերի, 2025 թ., 10:03

ՄԱԿ-ի Անվտանգության խորհուրդը ընդունել է ԱՄՆ-ի առաջարկած՝ Գազայի իրավիճակի կարգավորման շուրջ ԱՄՆ նախագահ Դոնալդ Թրամփի համապարփակ ծրագրին աջակցող բանաձևը։

Բանաձևին կողմ է քվեարկել ԱԽ 15 անդամներից 13-ը, իսկ Ռուսաստանը և Չինաստանը ձեռնպահ են մնացել։

Ամերիկյան նախագիծը ենթադրում է Գազայում ժամանակավոր ղեկավար մարմնի ձևավորում (այսպես կոչված «խաղաղության խորհուրդ») և երկու տարվա մանդատով միջազգային կայունացնող ուժերի ստեղծում։

Թրամփի՝ Գազայի իրավիճակի կարգավորման վերաբերյալ 20 կետից կազմված պլանը բացառում է ՀԱՄԱՍ-ի ուղիղ կամ անուղղակի մասնակցությունը գոտու կառավարմանը ապագայում։