Երեքշաբթի, 18 նոյեմբերի, 2025 թ.
|
Ստեփանակերտում`   +12 °C

«Հանուն իշխանության ու աթոռների՝ ժողովրդի մի հատվածին դուրս են բերում մյուսի դեմ». Թաթուլ Հակոբյան

«Հանուն իշխանության ու աթոռների՝ ժողովրդի մի հատվածին դուրս են բերում մյուսի դեմ». Թաթուլ Հակոբյան
96
Այսօր, 10:12

Լրագրող Թաթուլ Հակոբյանի ֆեյսբուքյան գրառումը. «Սկսել եմ կասկածի տակ դնել հայերի և թուրքերի՝ միմյանց ատելու մասին պնդումները:
Ուսումնասիրություն չեմ կարդացել կամ հանրային հարցում չեմ տեսել, որպեսզի գաղափար կազմեմ, թե ինչքանով է խորքային և կենցաղային մեր հարևանների ատելությունը մեր նկատմամբ:
Բայց կարդալով Էջմիածնում տեղի ունեցած ընտրությունների արդյունքների արձագանքները, որ սոցիալական ցանցերում տարածում են մեր իշխանություններն ու ընդդիմությունը, տպավորություն եմ ստանում, որ ավելի շատ միմյանց ատում են հայերը և հայերը:
Կամ, երբ տեսնում եմ իշխանություններ-Մայր Աթոռ «փոխհրաձգությունը»...
Անկախությունից ի վեր Հայաստանը անցել է հնարավոր բոլոր փորձություններով՝ պատերազմներ, պարտություններ, Հոկտեմբերի 27, Մարտի 1, երկիրը արյունաքամ անող ու շարունակվող արտագաղթ... Հայաստանը չի տեսել միայն քաղաքացիական պատերազմ: Դա է պակասում:
Հանուն իշխանության ու աթոռների շարունակեք ատելության այս արշավը և Հայաստանի ժողովրդի մի հատվածին դուրս բերեք մյուսի դեմ:
Ուղղակի հիշեք, որ կա Հայոց պատմության դատաստան:
Հիշեք նաև, թե ինչքան խղճուկ են դառնում կառավարիչներն ու նրանց պրոպագանդիստները, երբ կորցնում են աթոռները»:

Աղբյուրը`   Թաթուլ Հակոբյան