«Իրանը բաց է ԱՄՆ-ի հետ միջուկային բանակցությունները վերսկսելու համար». Խամենեիի խորհրդական

Իրանը պատրաստ է վերսկսել միջուկային բանակցությունները Միացյալ Նահանգների հետ, եթե դրանք ընթանան հարգալից: Աս մասին CNN-ին տված հարցազրույցում հայտնել է Իրանի գերագույն առաջնորդ Ալի Խամենեիի արտաքին քաղաքականության հարցերով խորհրդական Քամալ Խարազին՝ միաժամանակ պնդելով, որ Թեհրանը չի փոխի այն դիրքորոշումը, որն ուներ՝ մինչև հունիսին ԱՄՆ-ի և Իսրայելի կողմից հարձակումը։

«Նրանք պետք է առաջին քայլը կատարեն՝ ցույց տալու համար, որ պատրաստ են մեզ հետ համագործակցել մեր կողմից առաջադրված պայմաններով… դա պետք է հիմնված լինի հավասարության և փոխադարձ հարգանքի վրա։ Ցավոք, նախագահ Թրամփը չի հավատում դիվանագիտական ​​​​միջամտությանը, այլ նախընտրում է ուժ կիրառել իր նպատակներին հասնելու համար»,- ասել է նա։

Խարազին նշել է, որ ուրանի հարստացումը կշարունակվի։ Թեհրանի բալիստիկ հրթիռների ծրագիրը, որը, նրա խոսքով, ընդլայնվում է, կհանվի բանակցությունների սեղանից։ «Միացյալ Նահանգների հետ մենք կքննարկենք միայն միջուկային հարցը»,- ասել է նա։