«Սարյանի միակողմանի լինելու հետևանքով ավելացել են խցանումներն այլ փողոցներում». Գրիգոր Իսկանդարյան

Երևանի ավագանու «Մայր Հայաստան» խմբակցության անդամ Գրիգոր Իսկանդարյանի ֆեյսբուքյան գրառումը․ «Երևանի խցանումներն ու հայտնի համառ կենդանին
Ինչպես տեսնում եք նկարից, Երևանի կենտրոնն ամբողջությամբ խցանման մեջ է (կարմիր գույնը խցանումներն են):
Քաղաքային իշխանությունը 2023թ. թանկացրեց «կարմիր գծերը»՝ 12.000 դրամից դարձնելով 160.000 դրամ ու պատճառաբանելով, թե այդ թանկացումները կհանգեցնեն խցանումների նվազման։ Իսկ իրականում ստացվեց այն, ինչ ամեն օր տեսնում ենք բոլորս։
Եթե նկատեցիք, Սարյան փողոցը խցանված չէ՝ դա էլ Սարյան փողոցի միակողմանի դարձելու պատճառով։ Դրա մասին շատ է սիրում գլուխ գովալ քաղաքային իշխանությունը։ Մինչդեռ Սարյանի միակողմանի լինելու հետևանքով ավելացել են խցանումներն այլ փողոցներում։
Հիմա հռետորական հարց՝ եթե Մաշտոցի պողոտան դարձնեն միակողմանի, ապա Մաշտոցի պողոտայում խցանումներ կլինե՞ն, թե՞ ոչ (քաղաքային իշխանության ականջը՝ խուլ)։
Հ.Գ. «Մայր Հայաստանը» երկու անգամ հաղթել է դատարանում՝ քաղաքային իշխանությանն ապացուցելով, որ «կարմիր գծերի» թանկացման որոշումն ապօրինի է, բայց սրանք հայտնի կենդանու համառությամբ շարունակում են ապօրինի որոշմամբ փող քերել քաղաքացիներից»։