Խաղաղության ծրագրի կետերից մեկով Ուկրաինային պարտադրվում է ռուսերենը ճանաչել պետական լեզու

Ռուսերենը պետք է ճանաչվի որպես Ուկրաինայի պաշտոնական պետական ​​լեզու. սա պատերազմը դադարեցնելու ԱՄՆ-Ռուսաստան ծրագրի կետերից մեկն է, հաղորդում է Financial Times-ը։

Առաջարկվող փաստաթուղթը նաև նախատեսում է Ռուս ուղղափառ եկեղեցուն պաշտոնական կարգավիճակ տրամադրել։

Փաստաթուղթը նաև պահանջում է, որ Ուկրաինան հրաժարվի զենքի հիմնական կատեգորիաներից և ներառում է ԱՄՆ-ի ռազմական օգնության կրճատում։ Աղբյուրը ծրագիրը նկարագրել է՝ որպես շատ ընդհանուր փաստաթուղթ, որը «խիստ կողմնակալ է Ռուսաստանի օգտին»։

Axios-ը պնդում է, որ Ռուսաստանը բանակցությունների համար կվերադարձնի Խերսոնի և Զապորոժիեի շրջանների օկուպացված տարածքների մի մասը։

Խաղաղության համաձայնագրի ծրագրի համաձայն՝ ԱՄՆ-ն և այլ երկրներ կարող են ճանաչել Ղրիմը և Դոնբասը՝ որպես Ռուսաստանի տարածք։ Կիևը դեմ է այս ծրագրի դրույթների մեծ մասին։