«Սա «ինչ էլ որ լինի, մեզ պարտված չենք համարելու» շարքից է»․ Ոսկան Սարգսյան

Լրագրող Ոսկան Սարգսյանը ֆեյսբուքյան էջում գրում է․ «Նիկոլ Փաշինյանն այսօր լրագրողների հետ ճեպազրույցում հայտարարել է, որ «Զանգեզուրի միջանցքը» Հայաստանին չի վերաբերում, ասելով․ «Վաշինգտոնյան հռչակագրի արդյունքում Հայաստանն ունի «Խաղաղության խաչմերուկ» և «Թրամփի ուղի» և որևէ այլ տերմին չի վերաբերում Հայաստանին»։ Հետաքրքիր է՝ աշխարհի ո՞ր երկրի տարածքում է այդ միջանցքը, ինչո՞ւ ինքը Իլհամ Ալիևին չի հերքում, երբ նա պարբերաբար ամենաբարձր ամբիոններից հայտարարում է Հայաստանի տարածքում Զանգեզուրի միջանցքի մասին։ 2020 թվականի պատերազմի առաջին օրը ԱԺ-ում Նիկոլ Փաշինյանը հայտարարեց՝ «Պայմանավորվենք մի բան՝ ինչ էլ որ լինի, մեզ պարտված չենք համարելու»։ Սա նույն շարքից է, միջանցք լինելու է, սակայն մենք դրան «Խաղաղության խաչմերուկ» և «Թրամփի ուղի» ենք կոչելու։ Պարզ հարց՝ ի՞նչ իրավական ռեժիմ է գործելու այդ ճանապարհին, «Խաղաղության խաչմերուկով», «Թրամփի ուղիով» անցնող Ադրբեջանի քաղաքացիները, բեռները անձնագրային, մաքսային ստուգում հայ սահմանապահների, մաքսային աշխատողների կողմից անցելո՞ւ են։ Եթե ոչ, ուրեմն գործելու է միջանցք, ինչ անունով էլ այն կոչես»։