«Չենք մտածում՝ աստվածային լույս կիջնի ձեր խղճի վրա և կասեք, որ երկրում կան քաղբանտարկյալներ»․ Արծվիկ Մինասյան

«Կարո՞ղ եք մատնանշել որևէ երկիր, որի գործող իշխանությունն ընդունում է, որ իր երկրում կան քաղբանտարկյալներ, և տրամաբանական է, չէ՞, որ մենք չենք ակնկալում, որ դուք՝ որպես իշխանություն, Նիկոլ Փաշինյանը՝ որպես կառավարության ղեկավար, պիտի ընդունի, որ ՀՀ-ում կան քաղբանտարկյալներ։ Էդքան միամիտ չենք մենք, որ մտածենք՝ դուք ընդունում եք դա, ոչ էլ մտածում ենք, որ աստվածային ինչ-որ լույս կիջնի ձեր հոգիների և խղճերի վրա, որպեսզի դուք բարձրաձայնեք դրա մասին»,- այսօր ԱԺ պետաիրավական հարցերի մշտական հանձնաժողովի նիստում, որտեղ քննարկվում է «ՀՀ-ում քաղբանտարկյալների և նրանց խախտված իրավունքների վերականգնման մասին» նախագիծը, ասաց «Հայաստան» խմբակցության պատգամավոր Արծվիկ Մինասյանը՝ դիմելով հանձնաժողովի նախագահ Վլադիմիր Վարդանյանին։