«Իսրայելը ոչնչացրել է ՀԱՄԱՍ-ի 5 բարձրաստիճան անդամների»․ Նեթանյահու

711

Շաբաթ, 22 նոյեմբերի, 2025 թ., 21:56

Իսրայելը Գազայի հատվածում ոչնչացրել է ՀԱՄԱՍ-ի 5 բարձրաստիճան անդամների։ Այս մասին հայտարարել է Իսրայելի վարչապետ Բենյամին Նեթանյահուն՝ հավելելով, որ դա ի պատասխան զինյալների կողմից հրադադարի ռեժիմի խախտման է իրականացվել։

«Այսօր «ՀԱՄԱՍ»-ը կրկին խախտել է հրադադարի ռեժիմը՝ ահաբեկիչ ուղարկելով Իսրայելի վերահսկողության տակ գտնվող տարածք՝ ՑԱԽԱԼ-ի զինվորների վրա հարձակվելու համար։

Իսրայելը հետևում է հրադադարի ռեժիմին, «ՀԱՄԱՍ»-ը՝ չի հետևում։ .. Մենք կրկին կոչ ենք անում միջնորդներին պնդել, որ «ՀԱՄԱՍ»-ը կատարի հրադադարի ռեժիմի իր մասը»,- նշվում է հաղորդագրության մեջ: