Նստացույց՝ Լիդյա Մանթաշյանին ազատ արձակելու պահանջով․ ՈՒՂԻՂ ՄԻԱՑՈՒՄ

Լիդյա Մանթաշյանի ազատ արձակման պահանջով 44-օրյա պատերազմի մասնակից Արման Պետրոսյանն այսօրվանից նստացույց է սկսում Գլխավոր դատախազության դիմաց։
«Մենք ապրում ենք մի իրականության մեջ, որտեղ Հայաստանի միակ կին քաղբանտարկյալը գտնվում է անօրինական և քաղաքականորեն խեղաթյուրված մեղադրանքի տակ։ Ես նստացույց եմ սկսում նրա համար, որպեսզի մարդիկ տեսնեն ու չլռեն, որպեսզի իշխանությունը լսի ու վախենա, որպեսզի Լիդյան զգա, որ դուրսը կան մարդիկ, ովքեր իր համար կանգնում են, կանգնում են բարձր ու անխոնջ։ Մեր պահանջը պարզ է՝ ազատ արձակել Հայաստանի միակ կին քաղբանտարկյալ Լիդյա Մանթաշյանին»,- ավելի վաղ ֆեյսբուքյան իր էջում հայտնել էր Արման Պետրոսյանը։