Ադրբեջանն ընտրվել է ՅՈՒՆԵՍԿՕ-ի Համաշխարհային ժառանգության կոմիտեի անդամ 2025-2029 թթ ընթացքում

3119

Երկուշաբթի, 24 նոյեմբերի, 2025 թ., 21:57

Ադրբեջանն ընտրվել է ՅՈՒՆԵՍԿՕ-ի Համաշխարհային ժառանգության կոմիտեի անդամ 2025-2029 թթ ընթացքում:

Այս մասին հայտարարել է Ադրբեջանի արտաքին գործերի նախարարությունը։

Նախարարության տվյալներով՝ որոշումը կայացվել է Փարիզում կայացած 1972 թվականի Համաշխարհային մշակութային և բնական ժառանգության պաշտպանության մասին կոնվենցիայի մասնակից պետությունների Գլխավոր ասամբլեայի 25-րդ նստաշրջանում։

Արևելյան Եվրոպայի տարածաշրջանին հատկացված միակ տեղի համար մրցել են հինգ երկրներ, այդ թվում՝ Ադրբեջանը։ Քվեարկության առաջին փուլում Ադրբեջանը ստացել է 160 պետություններից 92-ի աջակցությունը և ընտրվել է կոմիտեի անդամ։

Համաշխարհային ժառանգության կոմիտեն բաղկացած է 21 պետությունից և ՅՈՒՆԵՍԿՕ-ի կոնվենցիայի իրականացումը վերահսկող գլխավոր գործադիր մարմինն է։ Դրա հիմնական պարտականությունների մեջ են մտնում Համաշխարհային ժառանգության ցանկի կազմումը, մշակութային և բնական նշանակության վայրերի ճանաչումը, դրանց պահպանումը և ապագա սերունդներին փոխանցումը։

Բացի այդ, կոմիտեն որոշում է Համաշխարհային ժառանգության հիմնադրամի միջոցների օգտագործումը և, պահանջի դեպքում, ֆինանսական աջակցություն է տրամադրում պահպանության աշխատանքներից մինչև կառավարման պլանների պատրաստում, արտակարգ իրավիճակներում օգնություն և ինստիտուցիոնալ կարողությունների զարգացում։

Ադրբեջանը Կոմիտեի անդամ էր 2015-019 թվականներին և զգալի ներդրում ունեցավ դրա աշխատանքներում: 2019 թվականի հուլիսին երկիրը հյուրընկալեց նաև Կոմիտեի 43-րդ նստաշրջանը:

Տեղեկացված աղբյուրների համաձայն՝ Ադրբեջանը, 92 ձայնով, գերազանցեց Չեխիային (28 ձայն), Հայաստանին (21 ձայն), Լեհաստանին (11 ձայն) և Սլովենիային (9 ձայն):