«Ո՞ր իրականության կողքին է կանգնելու հայ հանրությունը». Արման Պետրոսյան

Լիդյա Մանթաշյանի ազատ արձակման պահանջով դատախազության դիմաց նստացույց սկսած, 44-օրյա պատերազմի մասնակից Արման Պետրոսյանի ֆեյսբուքյան գրառումը. «Այսօրվա լրատվական դաշտը կրկին երկու զուգահեռ իրականություն էր ցույց տալիս։
Մի կողմում՝ Լիդյա Մանթաշյանն էր, ով հայրենիքի շահերի պաշտպանության համար թիրախավորված, զրպարտված, ճնշումների ենթարկված հայ աղջիկ է, որի նկատմամբ իրականացվող անարդարությունը կուլ տալը պարզապես խայտառակություն է։
Մյուս կողմում՝ Հայաստանի հպարտ քաղաքացի, ադրբեջանական թեզերը պրոպագանդող Արեգ Քոչինյանը, Ալիևի օգնականի բանագնացը։ Մարդ, ով ոչ թե հակազդում է թշնամու քարոզին, այլ դրա ձայնակցողն է։ Եվ սա պատմության ֆակուլտետի շրջանավարտ է՝ մարդ, որը պիտի ազգային ինքնագիտակցության կրող լիներ։
Հարամ լինեն այն դասաժամերը, որ նույն լսարանում նստել ենք։ Պատմությունն օգտագործող, բայց պատմությունը չհասկացած։
Երկու իրականություն. մեկը՝ դիմադրող, մյուսը՝ հանձնվող։
Այստեղ հարց է առաջանում.
Ո՞ր իրականության կողքին է կանգնելու հայ հանրությունը»։