«Ե՞րբ է ընդդիմությունը լրջորեն գործի անցնելու․ հրեշի տապալմանը մնաց 195 օր»․ Նաիրի Հոխիկյան

Լրագրող Նաիրի Հոխիկյանի թելեգրամյան գրառումը. «Ցանկացած երկրում, ցանկացած ժամանակ իշխանությունը միշտ առավելություն ունի ընդդիմության նկատմամբ, քանի որ ունի բազմաթիվ զենքեր՝

- պետական աշխատողներ
- ոստիկանություն
- բանակ
- հատուկ ծառայություններ
- ճնշումներից վախեցող գործարարներ
- տեղեկատվության միջոցներ
- ժողովրդի վախ իշխանությունից

Այս ամենը հաղթահարելու համար ընդդիմությունը մի քանի անգամ ավելի շատ ջանք պետք է դնի, քան իշխանությունը։ Եվ որ ամենակարևորն է՝ պետք է կիրառել 5 սկզբունք.

1. ժողովրդին չի կարելի մեղադրել նախկինում գործած սխալների համար։ Ժողովուրդը սխալվում է միայն այն դեպքում, երբ նրան ճիշտ ուղղություն ցույց տվող չկա։
1.1. Լինում ենք ժողովրդին ճիշտ ուղղություն ցույց տվող և դեպի այդ ճիշտը տանող առաջնորդները։

2. Ժողովուրդը չի հանդուրժում, երբ իրեն վերևից են նայում։ Գուցե լռում է, բայց չի ներում արհամարհանքը։
2.1. Մենք ժողովրդի մի մասն ենք, և անկախ նրանից, թե ինչ գիտելիքի ու կարողությունների տեր ենք, երբեք մեզ ավելի բարձր չենք դասում ժողովրդից։ Մեր կարևոր սկզբունքներից մեկն էլ ժողովրդին միշտ հասանելի լինելն է։

3. Ժողովուրդը ուզում է լսել ոչ թե բողոք ու նվնվոց ներկայի խնդիրների մասին, այլ դրանց լուծման ուղիներ։ Ժողովրդին լացի ընկերներ պետք չեն, այլ պետք են իրենց անելիքն իմացող առաջնորդներ։
3.1. Ժողովրդին տալիս ենք այն բանալիները, որոնց միջոցով մենք կկարողանանք լուծել եղած խնդիրներն ավելի լավ, քան իշխանությունը։

4. Ժողովուրդը ուզում է տեսնել ուժ և կամք։ Քիչ է ունենալ բանալիներ, կարևոր է նաև կարողանալ օգտագործել այդ բանալիները։ Ժողովուրդը սիրում է ուժեղ և կամային առաջնորդների։
4.1. Ոչ միայն ճառ ենք ասում, այլև զանգ ենք կախում։

5. Ժողովուրդը սպասում է միասնական պայքարի, ոչ թե անջատ-անջատ նախաձեռնության։
5.1. Մեր մեջ ուժ ենք գտնում՝ մի կողմ թողնելու եսակենտրոնությունն ու փառամոլությունը և զոհաբերում ենք ԵՍ-ը հանուն ՄԵՆՔ-ի։

Հիմա ամենակարևոր հարցը՝ ովքե՞ր են այդ ՄԵՆՔ-ը և ե՞րբ է վերջապես ընդդիմությունը լրջորեն գործի անցնելու։

Հրեշի տապալմանը մնաց 195 օր կամ 6.5 ամիս»։