Հունգարիայի վարչապետ Վիկտոր Օրբանն այս շաբաթ կմեկնի Մոսկվա

Հունգարիայի վարչապետ Վիկտոր Օրբանն այս շաբաթ կմեկնի Մոսկվա՝ հանդիպելու Ռուսաստանի նախագահ Վլադիմիր Պուտինի հետ։
Հետաքննող լրագրող Սաբոլչ Պանյին այս մասին հայտնել է Facebook-ում։

Ըստ ուղևորության մանրամասներին ծանոթ աղբյուրի՝ Օրբանը կհանդիպի Պուտինի հետ Մոսկվայում՝ ուրբաթ, նոյեմբերի 28-ին։

Այնուամենայնիվ, հանդիպման պաշտոնական հաստատում դեռևս չկա։

Օրբանը Պուտինի հետ հանդիպել էր Չինաստանում 2023 թվականի հոկտեմբերին։

Նոյեմբերի սկզբին Հունգարիայի վարչապետ Վիկտոր Օրբանը հանդիպել է ԱՄՆ նախագահ Դոնալդ Թրամփի հետ և կոչ արել նրան գագաթնաժողով անցկացնել Ռուսաստանի նախագահ Վլադիմիր Պուտինի հետ Բուդապեշտում։ ԱՄՆ նախագահն այնուհետև հայտարարել է, որ ներկայումս որևէ պատճառ չի տեսնում հանդիպելու Ռուսաստանի առաջնորդի հետ։