«2026-ին խմելու ջրի սակագինը սպառողների համար չի թանկանա»․ ՀԾԿՀ

783

Չորեքշաբթի, 26 նոյեմբերի, 2025 թ., 14:24

ՀԾԿՀ-ն հայտնում է. «2026 թվականին խմելու ջրի սակագինը սպառողների համար չի թանկանա.
Սույն թվականի նոյեմբերի 26-ի նիստում ՀՀ հանրային ծառայությունները կարգավորող հանձնաժողովը սահմանել է «Վեոլիա ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2026 թվականի սակագները:
Սոցիալապես անապահով բաժանորդների համար 2026 թվականին սակագինը՝ 180 դրամ, մյուս բոլոր բաժանորդների համար՝ 200,42 դրամ։
Հանձնաժողովի կողմից կատարված մոնիթորինգի արդյունքում հաշվարկվել է լրացուցիչ շուրջ 492000 խմ ծավալ, որը սակագնի վրա ունեցել է դրական ազդեցություն։ Բացի այդ, դրական ազդեցություն է ունեցել նաև մանրածախ ջրամատակարարման ծավալի փոփոխությունը»:

Աղբյուրը` ՀԾԿՀ