Կիրակի, 25 հունվարի, 2026 թ.
|
Ստեփանակերտում`   +1 °C

Լիտվան կհոգա իր տարածքում ամերիկյան զորքերի տեղակայման հետ կապված բոլոր ծախսերը

Լիտվան կհոգա իր տարածքում ամերիկյան զորքերի տեղակայման հետ կապված բոլոր ծախսերը
847
Չորեքշաբթի, 26 նոյեմբերի, 2025 թ., 21:57

Լիտվան կհոգա իր տարածքում ամերիկյան զորքերի տեղակայման հետ կապված բոլոր ծախսերը, հայտարարել է պաշտպանության նախարար Ռոբերտաս Կաունասը:

Կաունասի խոսքով՝ Վիլնյուսն ընդլայնում է ընդունող երկրի աջակցության փաթեթը և այժմ ամբողջությամբ հոգում է հանրապետությունում տեղակայված ամերիկյան ամբողջ զորակազմի պահպանման ծախսերը։ Նա ընդգծել է, որ այս քայլը շեշտում է Վաշինգթոնի հետ ռազմավարական գործընկերությունը։

Սեպտեմբերի 20-ին Reuters-ը հայտնել է, որ Փենթագոնի պաշտոնյաներն օգոստոսի վերջին եվրոպացի դիվանագետների խմբին զգուշացրել են, որ ԱՄՆ-ն պլանավորում է կրճատել Լատվիային, Լիտվային և Էստոնիային տրամադրվող անվտանգության որոշակի օգնություն։

Փենթագոնի խոսնակ Դեյվիդ Բեյքերը խմբին ասել է, որ Եվրոպան պետք է ավելի քիչ կախված լինի ԱՄՆ-ից։ Գործակալությունը հայտնել է, որ նախագահ Դոնալդ Թրամփի օրոք ԱՄՆ-ի զինված ուժերը կենտրոնանում են «այլ առաջնահերթությունների» վրա, այդ թվում՝ երկրի պաշտպանության վրա։