«Քաղաքային կառավարումը տապալված է»․ Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան էջում գրում է․ «Քաղաքային կառավարումը տապալված է։ 2015 թվականին Բեռլինում էի և քաղաքում տեղ-տեղ լայնածավալ շինարարություն էր։ Երբ մետրոյով անցնում էի այդ շինհրապարակների կողքով զգում էի, որ մի տարօրինակ բան է կատարվում, տեխնիկաններ են աշխատում, գրունդ են փորում, մի խոսքով շինարարական եռուզեռ, բայց փոշի չկա։ Ուշադրություն դարձրեցի, որ շինհրապարակի տարբեր կողմերում դրված են ջրացող հսկա օդափոխիչներ և տարածքն այնպես է կահավորված, ասես քաղաքից կտրված լինի։
Թող մասնագետները հաշվեն թե Երևանի օդի աղտոտվածության վրա ինչ բացասական հետևանքներ են ունեցել ծառահատումները, ավտոմեքենաների կեղծ տեխզնումները, անհարկի շինթույլտվության տրամադրումներն ու շինհրապարակների ո՛չ պատշաճ կահավորումը և թույլ վերահսկողությունը, Նուբարաշենի աղբավավայրի շարունակական հրդեհները, տերևայրուկները։ Մեկ է ի՞նչ էլ գտնեն, իշխանությունները՝ թե՛ քաղաքային, թե՛ պետական, ունեն իրնեց հիմնավորումները, որովհետև պատասխանատվության կուլտուրան մեռել է»։