«Սպիտակ տան մոտ վիրավորված Ազգային գվարդիայի զինծառայողները գտնվում են ծայրահեղ ծանր վիճակում»․ Թրամփ

ԱՄՆ նախագահ Դոնալդ Թրամփը հայտարարել է, որ Սպիտակ տան մոտ տեղի ունեցած կրակոցների ժամանակ վիրավորված Ազգային գվարդիայի երկու զինծառայողները գտնվում են ծայրահեղ ծանր վիճակում։

«Կենդանին, որը կրակել է Ազգային գվարդիայի երկու անդամների վրա, երկուսն էլ ծանր վիճակում են և այժմ գտնվում են տարբեր հիվանդանոցներում, նույնպես ծանր վիրավորված է... Աստված օրհնի մեր Մեծ Ազգային գվարդիային և բոլոր զինվորականներին ու իրավապահ մարմիններին», - գրել է Թրամփը TRUTH Social սոցիալական ցանցում։

Ավելի վաղ Վաշինգթոնի ոստիկանությունը հայտնել էր Սպիտակ տան մոտ տեղի ունեցած կրակոցների մասին, իսկ ավելի ուշ հայտնել, որ կրակոցներ արձակողը ձերբակալվել է։