ՀԱՊԿ-ն աջակցում է Հայաստանի և Ադրբեջանի միջև խաղաղության պայմանագրի կնքմանը

Հավաքական անվտանգության պայմանագրի կազմակերպության (ՀԱՊԿ) անդամ երկրները աջակցում են Ադրբեջանի և Հայաստանի միջև խաղաղության համաձայնագրի կնքմանը։ Այս մասին նշվում է Բիշքեկում ՀԱՊԿ գագաթնաժողովում ընդունված եզրափակիչ հռչակագրում։

«Գոհունակությամբ ողջունում ենք Հայաստանի Հանրապետության և Ադրբեջանի Հանրապետության միջև ակտիվ միջպետական ​​երկխոսությունը։ Մենք աջակցում ենք համապարփակ կարգավորմանը և կողմերի միջև անվերապահ խաղաղության պայմանագրի արագ կնքմանը», - նշվում է հռչակագրում։

Նշենք, որ ՀԱՊԿ գագաթնաժողովը տեղի է ունեցել այսօր՝ Բիշքեկում, որի ժամանակ ամփոփիչ հռչակագիր է ընդունվել։ Հայաստանը պատվիրակություն չի ուղարկել։