«Ռուսաստանին անհրաժեշտ է նոր տարածքների միջազգային ճանաչում». Պուտին

Ռուսաստանին անհրաժեշտ է իր նոր տարածքների միջազգային ճանաչում, սակայն Ուկրաինայից հաստատման կարիք չկա։ Ռուսաստանի նախագահ Վլադիմիր Պուտինն այս մասին հայտարարել է Բիշքեկ այցից հետո տեղի ունեցած մամուլի ասուլիսի ժամանակ։ Նա նշել է, որ սա կարևոր է իրավական տեսանկյունից։

«Սա կարևոր է, քանի որ մի բան է, երբ որոշումները ճանաչվում են, և, ասենք, որոշակի տարածքներ գտնվում են Ռուսաստանի ինքնիշխանության ներքո. եթե համաձայնագիրը խախտվի, դա կհամարվի Ռուսաստանի Դաշնության վրա հարձակում՝ դրանից բխող բոլոր պատասխան միջոցառումներով։ Բոլորովին այլ է, երբ սա ընկալվում է՝ որպես օրինականորեն ուկրաինական համարվող տարածքը վերադարձնելու փորձ», - բացատրել է պետության ղեկավարը։

Պուտինը հավելել է, որ Ղրիմի, Դոնեցկի և Լուգանսկի «ժողովրդական հանրապետությունների», ինչպես նաև Զապորոժիեի և Խերսոնի մարզերի ճանաչումն Ուկրաինայում հակամարտության կարգավորման հիմնական կետերից մեկն է։