Թրամփը լրագրողին «հիմար» է անվանել

ԱՄՆ նախագահ Դոնալդ Թրամփը լրագրողին հիմար է անվանել Սպիտակ տան մոտ Ազգային գվարդիայի երկու զինծառայողների վրա հարձակման մասին հարցեր տալու համար։ «Դուք հարցեր եք տալիս, որովհետև հիմար եք», - լրագրողին ասել է Թրամփը։

Լրագրողը հարցրել է, թե ինչու է ԱՄՆ նախագահն ասում, որ աֆղանստանցի կասկածյալին 2021 թվականին կարող էին թույլ տալ մուտք գործել երկիր առանց բավարար ստուգման, չնայած այն հանգամանքին, որ Ներքին անվտանգության նախարարությունը պնդում է, որ ստուգումն իրականացվել է։

«Որովհետև նրանք են նրանց թողել մտնել երկիր։ Դուք հիմա՞ր եք: Դուք հիմար մա՞րդ եք: Նրանք ժամանել են ինքնաթիռով հազարավոր այլ մարդկանց հետ, ովքեր այստեղ չպետք է լինեին»,- ասել է Թրամփը։